Æрæджы дæр ма куыстуаты специалисттæ фæллой кодтой рагон цалцæггонд бæстыхайы æмæ зæронд инфраструктурæимæ
Цæгат Ирыстоны кæронмæ фæхæццæ кæны Дондзæуæн куыстуаты модернизаци. Æрæджы дæр ма куыстуаты специалисттæ фæллой кодтой рагон цалцæггонд бæстыхайы æмæ зæронд инфраструктурæимæ. Ныртæккæ та сын ис нырыккон уавæртæ. Сног кодтой кабинеттæ, инженерон хызтæ, куыстадон зонæтæ. Нуазыны доны хæрзхъæддзинадмæ алы бон кæм кæсынц, уыцы лабораторийы сæвæрдтой тæккæ нырыккондæр техникæ. Территорийы ма райхæлдтой зæронд гаражы комплекс. Йæ бынаты сараздзысты нырыккон технологон бокстæ æппæт ифтонггæрзтимæ. Бирæ азтæм Дондзæуæн куыстуаты фæзынд йæхи автопарк. Ныртæккæ дзы ис 168 техникон иуæджы: рог машинæтæ, экскаватортæ, ассенизатортæ, манипулятортæ, хæрдмæисæн кърантæ, атвобустæ æмæ самосвалтæ.
