Уый фадат ратдзæн Цæгат Ирыстоны сæйраг горæты рæзты стратеги хæстæгдæр азтæн сфидар кæнынæн
Дарддæр куыст цæуы Дзæуджыхъæуы генералон пъланыл. Уый фадат ратдзæн Цæгат Ирыстоны сæйраг горæты рæзты стратеги хæстæгдæр азтæн сфидар кæнынæн. Наукон-иртасæн институт «Земля и город» бацæттæ кодта рагагъоммæ æрмæджытæ ног Генералон пъланæн, Дзæуджыхъæуы зæххытæй пайда кæныны æмæ арæзтады фарстаты фæдыл. Проект арвыстой æппæт министрадтæм æмæ ведомствотæм. Дзæуджыхъæуы администрацимæ бацæуынц фиппаинæгтæ æмæ курдиæттæ. Уыдоныл бæстон бакусынц, æмæ сæ ногæй бахæссынц генералон пъланмæ. Ацы къуыри архитектрурæ æмæ горæтаразаны управленийы специалисттæ фембæлдзысты бæрнон ведомствоты минæвæрттимæ, цæмæй ивддзинæдтыл бæстон æрдзурой, уый тыххæй. Генералон пъланы проектимæ базонгæ уæвæн уыдзæн дыууæ мæйы дæргъы. Дзæуджыхъæуы администрацийы æнхъæлмæ кæсынц адæмы хъуыдытæм. Уымæн æмæ документы сæйраг нысан у – нæ горæты рæзтыл кусын, загътой мэрийы.
