15 лæппу æмæ чызгæн бацæттæ кодтой цымыдисаг ирхæфсæн программæ
«Фыццæгты змæлд»-ы активисттæ экскурси скодтой, хæрзаудæн фонд «Хæлар зæрдæ»-йы хъомылгæнинæгтæн. 15 лæппу æмæ чызгæн бацæттæ кодтой цымыдисаг ирхæфсæн программæ. Раздæр уал бабæрæг кодтой Национ музейы экспозицион залтæ. Уым сын радзырдтой фонды уникалон коллекциты тыххæй. Экскурсион тезгъо акодтой Сабырдзинады проспектыл. Дарддæр та уыд «Фыццæгты змæлды» тыххæй презентаци. Фæсивæдæн радзырдтой æхсæнадон змæлды архайды сæйрагдæр хъуыддæгты тыххæй. Уыимæ ма кæстæртæн фадат уыд сæхи фæрстытæ раттынæн, æмæ сын бæстон дзуæппытæ райсынæн. Кæронбæттæны сывæллæттæн ракодтой зæрдылдарæн лæвæрттæ. Зæгъдзыстæм ма уый дæр, æмæ мадзал арæзт æрцыд, республикæйы экономикон рæзты министрады хъæппæрисæй.
