Цæгат Ирыстоны кафджытæ Уæрæсейы 20 коллективы *хсæн систы хуыздæртæ
Æхсæз фыццаг бынаты алы номинациты æмæ Гран-при. Дæнцæгæн хæссинаг адæмон кафты ансамбль «Хæхты сывæллæттæ»-н Æппæтадæмон хореографион аивады конкурс «Пересвет»-ы архайд Сочийы рауад æнтыстджын. Цæгат Ирыстоны кафджытæ Уæрæсейы 20 коллективы *хсæн систы хуыздæртæ. Стыр аргъгонд æрцыд сæ аив змæлдæн æмæ, цы кафты нывтæ равдыстой, уыдонæн. Ныртæккæ ансамбль йæхи цæттæ кæны ног конкурстæм. Бæстондæр радзурдзæн Чехойты Фатимæ.
Козаты Самирæйы къухты айст – базырты систау. Чызг хæрзчысылæй æрбацыд ацы къордмæ. Кафт ын сси йæ царды сæйраг хъуыддаг. Самирæ йæ алы змæлды дæр бавæры йæ уды хъарм, рогдзинад æмæ сценæйы æнкъарæнтæ баиу кæнгæйæ.
Джиоты Сæрмæты уæлахиз – Фыдыбæстæмæ уарзондзинадыл дзурæг. Цæстытæ æрттъивынц, афтæмæй лæппу *вдисы сæрыстырдзинад йæ адæммæ, йе* гъдæуттæм æмæ традицитæм. Сæрмæт конкурсы уæлахиздзау сси дыккаг хатт. Æрыгон кафæг ансамбль «Хæхты сывæллæттæ» нымайы, сæрыстыр кæмæй у, ахæм бинонтыл.
Хореографион аивады æппæтадæмон конкурс «Пересвет» цыдис дыууæ боны. Архайдтой дзы 20 сфæлдыстадон къордæй фылдæр Уæрæсейы алы регионтæй. «Хæхты сывæллæттæ» равдыстой стыр программæ: цы 10 кафты акодтой, уыдонæй алкæцыдæр сси уæлахиздзау хицæн номинацийы.
Национ кафты æвзонг дæснытæ зонынц: æнтыстдзинад – разæнгард кæны ног уæлахизтæм. Тагъд рæстæг ансамблы уæнгтæ сæ курдиат æвдисдзысты сыхаг республикæты минæвæрттимæ иумæйаг концерты, стæй та сараздзысты хатдзæгтæгæнæн концерттæ.
