Регионы разамонæг волонтертæн загъта бузныг, ахæм ахсджиаг куыст кæй кæнынц, уый фæдыл
Сергей Меняйло Цæгат Ирыстоны Сæргълæууæджы премийы лауреаттæн хæрзиуджытæ радта, бархионты змæлды активонæй кæй архайынц, уый тыххæй. Регионы разамонæг волонтертæн загъта бузныг, ахæм ахсджиаг куыст кæй кæнынц, уый фæдыл. Пайда хæссынц æхсæнадæн, сæ нысан та у – алфамбылай дуне хуыздæр кæнын. Бархионты змæлды архайджыты проекттæ æмæ хъæппæристæ дарддæр дæр уыдзысты дæнцæгæн хæссинаг, – загъта Сергей Меняйло. Республикæйы Сæргълæууæг ма лауреаттæн радта дипломтæ. Хуыздæр бархион организацийы номинацийы премийы аккаг сси автономон æнæкоммерцион организаци «Фæсивæды алывæрсыг рæзты центр «Мах стæм иумæ»». Номинаци «Бархион организацийы хуыздæр разамонæг» сси Людмила Храбрых. У хæрзаудæн æнæкоммерцион организаци «Золотые руки ангела»-йы регионалон координатор. Бархионты змæлды архайæджы номинацийы та хорзæхджынгонд æрцыд Хæмыцаты Давид, Адæмон фронты фæсивæдон къабазы регионалон координаторы хæдивæг, тактикон цæттæдзинады Центр «Архангел»-ы инструктор.
