Студенттæ ахуыргæнджытимæ иумæ кæнынц алыхуызон иртæстытæ
Цæгат Ирыстоны паддзахадон университеты æрдзон наукæты æмæ технологиты факультеты кусы системон экологон анализы лаборатори. Æххæст у нырыккон ифтонггæрзтæй. Студенттæ ахуыргæнджытимæ иумæ кæнынц алыхуызон иртæстытæ. Ацы лаборатори Цæгат Кавказы у дыккаг. Бæлвырддæр радзурдзæн Хъайтмазты Дзерассæ.
Алы ног наукон уæлахиз дæр у ныфсы хос. Дзыллæ æнæсдзæбæхгæнгæ низтæй аирвæзын кæныны фæрæз ныр 2 азæй фылдæр агурынц Цæгат Ирыстоны паддзахадон университеты æрдзон наукæты æмæ технологиты факультеты ахуыргæнджытæ æмæ студенттæ. Сæ нысан у бакусын атеросклерозы терапийы инновацион методыл. Уый домы комкоммæ куыст зайæгхал экстракттимæ чырæгты æмвæзадыл.
Чырæгты технологиты лаборатори байгом цалдæр мæйы размæ. Цæгат Кавказы сси дыккаг иртасæн фæз чырæгты æмæ молекулярон биологийы къабазы. Æххæст у нырыккон ифтонггæрзтæй адæймаджы æмæ цæрæгойты чырæгты культурæтимæ кусынæн.
Атеросклероз дзæбæх кæнынæн æмæ профилактикæйæн препаратыл бакусыны проекты æмавтор сси Цæгат Ирыстоны паддзахадон университеты æрдзон наукæты æмæ технологиты факультеты магистрант Родион Савельев. Студент проект ахадгæйæ рæзын кæны инвитройы æмæ хосгæнæн кæрдæджыты ахадындзинад эксперименталон уырытыл ахуыр кæныны методты фæрцы.
Студенттæ стыр цымыдисимæ ахуыр кæнынц лаборатори, ахуыргæнджытæм дæттынц фæрстытæ чырæгты иугондты темæмæ гæсгæ.
Лабораторийы фидæны пълæнттæ сты чырæгты культурæты биоколлекци саразын æмæ аккредитаци скæнын.
Ацы лаборатори у фидæны медицинæмæ порталы хуызæн. Алы эксперимент дæр у, æппæтæй уæндондæр наукон гипотезæтæ цæмæй адæмæн æцæг ныфс суой, уымæ къахдзæф.
