Архайынц дзы колледжты æмæ техникумты студенттæ, стæй скъоладзаутæ Цæгат Ирыстонæй æмæ Дагестанæй
Дзæуджыхъæуы цæуы æрвылазон зонадон-техникон сфæлдыстадон конкурс «Фидæнмæ фæндаг». Архайынц дзы колледжты æмæ техникумты студенттæ, стæй скъоладзаутæ Цæгат Ирыстонæй æмæ Дагестанæй. Конкурс у æппæтуæрæсеон, уыцы иу рæстæг цæуы цалдæр регионы. Фыццаг къæпхæн арæзт æрцыд Цæгат Кавказы æфсæнвæдаджы транспорты техникумы Уæрæсейы зонады боны кадæн. 70 архайæгæй фылдæр бацæттæ кодтой проекттæ макеттæ аразынæй æмæ робототехникæйæ. Конкурсы хæс у скъоладзутæм техникон моделированимæ цымыдисдзинад æвзæрын кæнын, профориентацион куыст парахат кæнын, активон фæсивæды зонадон иртæстытæм æмхиц кæнын. Кæронбæттæн къæпхæн ацæудзæн Ростовы паддзахадон университеты.
