Ахуыргæнæгæй – электрон техникæйы факультеты деканы æмæ наукон куысты фæдыл проректоры онг
Цæгат Кавказы хæххон-металлургон институты уыд академик Евгений Козыревы мысæн изæр. Ахуыргæнæгæй – электрон техникæйы факультеты деканы æмæ наукон куысты фæдыл проректоры онг. Йæ цардвæндаг институты райдыдта 1967-æм азы. ЮНЕСКО-йы эксперты хуызы уыд Тунисы æмæ Лаосы. Евгений Козыревы хъуыды кæнынц æрмæст куыд стыр профессионалы нæ, фæлæ, сæйрагдæр, куыд стыр дамгъæйæ адæймаджы. Бæлвырддæр радзурдзæн Хъайтмазты Дзерассæ.
Евгений Козыревы æппæт наукон æнтыстдзинæдтæй сæйрагдæр уыдысты йæ уды миниуджытæ. Гуманист дæсныйады дæр, царды дæр, æмæ хъуыддагмæ ахасты дæр. Стæй ма новатор. Хæххон-металлургон институты бирæ проекттæн бындур сæвæрдта. Ахуыргæнæндонæн снывонд кодта йæ царды 60 азы бæрц, уæлдайдæр та уарзон факультетæн æмæ «электрон приборты» уарзон кафедрæйæн.
Евгений Козырев уыд Ростовы облæстæй рацæугæ. Йæ бæллиц уыд æппæтадæмон ахастдзинæдты Мæскуыйаг паддзахадон институты ахуыр кæнын. Фæлæ уый бæсты бацыд Таганрогы радиотехникон институтмæ. Саратовы наукон-иртасæн институты куыст, уый фæстæ йæ раивтой уæды рæстæджы Орджоникидземæ завод «Янтарь»-ы сæйраг инженеры бынатмæ. Цæгат Кавказы хæххон-металлургон институтмæ æрбацыд аспирантурæйы фæстæ.
Профессийы чысыл революцитæ æххæст кæныны дæнцæг Евгений Козыревæй истой йе мкусджытæ æмæ студенттæ. Тырныдтой йе мрæнхъ æрлæууынмæ, цыдысты йæм уынаффæмæ, бирæтæн уыд зондамонæг.
Уæлдæр ахуырады райрæзтыл куыста æрмæст йæхи бæстæйы нæ. ЮНЕСКО-йы эксперты хуызы уыд Тунисы æмæ Лаосы. Фæлæ-иу кæддæриддæр æрыздæхт хæххон-металлургон институтмæ. Ацы аз февралы факультеты цæттæ кодтой сæ профессоры 90 азы бæстонæй сбæрæг кæнынмæ, уый бæсты Евгений Козыревы мысæн изæр. Йæ цардæй ахицæн ивгъуыд азы кæрон. Йæ фæстаг бонмæ уыд иузæрдион йæ уарзон ахуыргæнæндонимæ.
