Мадзал бацæттæ кодтой национ-культурон æхсæнадты, ахуыргæнæндæттæн, паддзахадон æмæ æхсæнадон куыстуæтты минæвæрттæн
Цæгат Ирыстоны цы адæмы хæттытæ цæры, уыдоны культурæ, традицитæ, æгъдæуттæ сæ национ бæрæгбæттæ æмæ хицæн æууæлтимæ баст семинар – практикум ацыд горæты библиотекæйы. Мадзал бацæттæ кодтой национ-культурон æхсæнадты, ахуыргæнæндæттæн, паддзахадон æмæ æхсæнадон куыстуæтты минæвæрттæн. Фембæлд баст уыди Уæрæсейы адæмты иудзинады афæдзы кадимæ. Йæ саразджытæ – республикæйы национ политикæйы æмæ æддагон бастдзинæдты фарстаты фæдыл министрад, адæмты хæлардзинады хæдзар, горæты культурæйы управлени æмæ Дзæуджыхъæуы муниципалон сконды æхсæнадон совет. Семинары архайджытæ æрныхас кодтой афæдзы куысты пъланыл, стæй нациты æмæ конфесситы хсæн æнгом ахастдзинæдтæ парахат кæныныл. Мадзалы фæлгæты Цæгат Ирыстоны официалон минæвар Хъырымы республикæйы Саулаты Валерий хорзæхгонд æрцыди Уæрæсейы, стæй цæгатирыстойнаг хайады æфсæддонты ныййарджыты Советы номæй, Севастополы æфсæддон госпитæлы йе нæниздзинад чи дзæбæх кæны, уыдонæн кæй æххуыс кæны, уый тыххæй. Хæрзиуæг ын кадджын уавæры радта регионалон хайады разамонæг Моурауты Зæлинæ.
