17 февраля 2026, 10:46
Инæлар-майор Бæтæгаты Таймуразы цыртдзæвæн байгом кодтой Дзæуджыхъæуы Намысы Аллеяйы
Барадхъахъхъæнæг оргæнтæн радта йæ царды 30 азæй фылдæр
Инæлар-майор Бæтæгаты Таймуразы цыртдзæвæн байгом кодтой Дзæуджыхъæуы Намысы Аллеяйы. Барадхъахъхъæнæг оргæнтæн радта йæ царды 30 азæй фылдæр. Райдыдта оперативон кусæгæй æмæ сси Цæгат Ирыстоны мидхъуыддæгты министры хæдивæг. Бæтæгаты Таймураз ма уыд, мидхъуыддæгты министрады кусджыты хыгъдæй нæ республикæйы уæлдæр паддзахадон хæрзиуæг «Ирыстоны Намысы» орден кæмæн саккаг кодтой, ахæм адæймаг. Советон Цæдисы мидхъуыддæгты министрады сгуыхт кусæджы, Сырх тырысайы ордены кавалеры ном æрымысынмæ æрбацыдысты республикæйы хицауады уæнгтæ, мидхъуыддæгты министрады æмæ ветеранты организациты минæвæрттæ, йе мкусджытæ, хæстæджытæ æмæ хиуæттæ.
темæмæ гæсгæ
