Мадзал арæзт æрцыди Уæрæсейы наукæты академийы Дзæуджыхъæуккаг наукон центры скифаг-алайнаг иртæстыты центры хъæппæрисæй
Профессор Уарзиаты Вилены номарæн фыццаг кæстытæ ацыдысты национ наукон библиотекæйы. Мадзал арæзт æрцыди Уæрæсейы наукæты академийы Дзæуджыхъæуккаг наукон центры скифаг-алайнаг иртæстыты центры хъæппæрисæй. Бакастысты дзы æртæ доклады, баст уыдысты археологи, истори æмæ этнологиимæ. Зæгъын хъæуы уый, æмæ ацы къабæзтæ ирдæй зындысты Уарзиаты Вилены наукон куыстыты. Ахуыргондæн кæд йæ цард цыбыр уыди, уæддæр ын бантыст хъæздыг фæллæйттæ ныууадзын. Абон æрыгон историктæн сты стыр наукон куыстмæ фæндаг амонæг. Фембæлды архайдтой наукон æхсæнады минæвæрттæ, историон факультеты студенттæ. Куыд фæбæрæг кодтой, афтæмæй Уарзиаты Вилен Ирыстоны ахуырад æмæ наукæмæ бахаста стыр æвæрæн.
