филиал вгтрк государственная телерадиовещательная компания “Алания”

Цæгат Ирыстоны паддзахадон университеты байгом психологон диагностикæйы æмæ консультаци кæныны центр. Уæлдæр ахуыргæнæндоны студенттæн æмæ кусджытæн дзы сæ бон у лæвар психологты æххуыс райсын. Центр байгом кæныны мадзалы архайдта университеты ректор Огъуаты Алан. Центры директор Виктория Ильченко уазджытæн сарæзта экскурси æмæ сæ базонгæ кодта сæ куысты фидæны къабæзтимæ. Специалисттæ баххуыс кæндзысты, ахуыры, райрæзты кæнæ социалон адаптацийы зындзинæдтимæ чи æмбæлы, уыцы студенттæн. Куыст цæудзæн педагогтимæ дæр. Арæзт цæудзысты хицæн консультацитæ æмæ къордты ахуыртæ, тренингтæ, алыхуызон профилактикон мадзæлттæ.