Æрвылазон фембæлд баиу кодта ахуырады кусджыты, республикæйы æппæт скъолаты ахуырдзауты æмæ сæ ныййарджыты
Ахуырады центр «Новый город»-ы арæзт æрцыд стратегион сесси «Навигаторы детства: сила в единстве». Æрвылазон фембæлд баиу кодта ахуырады кусджыты, республикæйы æппæт скъолаты ахуырдзауты æмæ сæ ныййарджыты. Архайджытæн бацæттæ кодтой хъæздыг программæ. Пленарон æмбырдтæ æмæ тематикон фæзтæ паддзахадон политикæйы æмæ хъомылады къабæзты. Уæлдай æргом здæхт цæуы уырыссаг æвзагмæ, граждайнаг цæстæнгасмæ, Уæрæсейы адæмты культурæ æмæ историон рæстдзинад бахъахъхъæнынмæ. Ацы фембæлдæй райдыдта тематикон афæдз. Традицимæ гæсгæ фидардæр кæндзысты хъомыладон куыст, нæ бæстæйы бирæвæрсыг культурæ æмæ нациты хсæн ахастдзинæдтæ. Стратегион сесситæ арæзт цæуынц Уæрæсейы алы регионты. Цæгат Ирыстоны та йæ саразыныл бакуыстой ахуырады æмæ наукæйы министрад, стæй регионалон ресурсон центр «Навигаторы детства».
