Баст у биологон наукæты доктор, профессор Лидия Чопикашвилийы юбилеимæ
Цæгат Ирыстоны паддзахадон университеты арæзт æрцыд документалон киноныв «Жизнь как она есть»-ы премьерон равдыст. Баст у биологон наукæты доктор, профессор Лидия Чопикашвилийы юбилеимæ. Киноныв дзурæг у йæ цардвæндаджы æмæ наукон архайдыл. Стыр æргом аздæхтой, ахуыргонд биологон наукæмæ æмæ педагогон архайдмæ цы æвæрæн бахаста, уымæ. Уымæй дарддæр дисы фтауынц Лидияйæн йе мкусджыты æмæ йæ ахуыргæнинæгты мысинæгтæ. Кинонывы равдыст баиу кодта наукон æхсæнады минæвæртты. Бирæтæн ацы фембæлд сси хорз фадат, сæ кадджын разамонæджы æрымысын æмæ йын йæ наукон бынтæн аккаг аргъ скæнын. Лидия Чопикашвили разамынд лæвæрдта Цæгат Ирыстоны паддзахадон университеты зоологийы, биологийы æмæ биотехнологийы кафедрæйæн. Бындур сæвæрдта республикæйы фыццаг цитогенетикон лабораторийæн. Сси 150 наукон куысты æмæ цалдæр монографийы автор. Кинонывы режиссер æмæ сценарийы автор у журналист Акъоты Лидия.
