филиал вгтрк государственная телерадиовещательная компания “Алания”

Национ наукон библиотекæйы арæзт æрцыд сфæлдыстадон клуб «СТИХиЯ»-йы традицион поэтикон изæр. Алы мæй дæр поэттæ сæмбырд кæнынц литературæуарзджыты. Ацы хатт бæстонæй æркастысты, æвзист æнус кæй хонынц, уыцы рæстæджы поэзимæ. Мадзалы уазджытæн бацæттæ кодтой лекцитæ. Раргом кодтой Уæрæсейы поэзи ирдæй парахат кæнын куы райдыдта, уыцы рæстæджы поэзийы фæзилæнтæ. Алкæмæндæр фадат уыди йæ хъуыдытæ зæгъынæн, стæй йæ уарзон поэты æмдзæвгæ бакæсынæн. Мадзал барæсугъд кодтой Блокы, Есенины, Цветаева æмæ Ахматовайы уацмыстæ, стæй моноспектакль. Иннæ мæй сфæлдыстадон изæр уыдзæн, чи кæй равзара, ахæм темæйæ.