2 спортсменкæйы Гаситы Элеонорæ æмæ Козырты Мария рамбылдтой сыгъзæрин майдантæ
Уæззау атлетикæйæ ирон скъолайы хъомылгæнинæгтæ сæхи иттæг хорз равдыстой, Уæрæсейы фыццаг бынат бацахсыны ерысты. 2 спортсменкæйы Гаситы Элеонорæ æмæ Козырты Мария рамбылдтой сыгъзæрин майдантæ. Ахæм хатдзæгтæ райсыныл чызджытæ æрвылбон æнтысджынæй куыстой. Бæлвырддæр радзурдзæн Хъайтмазты Дзерассæ.
Уæззау атлетикæйæ ирон скъолайæн ис хъæздыг традицитæ. Уый радон хатт равдыста ацы сезон. Уæрæсейы фыццаг бынат бацахсыны ерысты 2 ирон спортсменкæйы – Гаситы Элеонорæ æмæ Козырты Мария рамбылдтой сыгъзæрин майдантæ.
Ахæм æнтысдзинæдтæ сты залы уæззау куысты хатдзæгтæ. Къуыри 5 тренировкæйы, алы азмæлдыл дæр бæлвырд куыст æмæ дисциплинæ. Уæлахиздзауты тренер Гаситы Руслан куыд зæгъы, афтæмæй ахæм бæрæггæнæнтæм æнхъæлмæ кастысты.
Уæлахиздзаутæ сæхæдæг куыд зæгъынц, афтæмæй ахæм ерыстæ дæттынц стыр фæлтæрддзинад. Алы килограмм æмæ алы хæрзиуæг дæр сты сæ арæхстдзинады æвдисæн. Элеонорæ æмæ Мария сæ хатдзæгтæй разы сты.
Чызджытæ ныридæгæн снысан кодтой, дарддæр бакусын цæуыл хъæуы, уый. Цæттæ кæндзысты ног ерыстæм æмæ хистæр кары æмвæзадмæ рахизынмæ.
