Специалисттæ бакуыстой æрдзон зынгсирвæзтытимæ тох кæныны къæпхæныл
Цæгат Ирыстоны фесты æппæтуæрæсеон командон-штабон ахуыртæ. Специалисттæ бакуыстой æрдзон зынгсирвæзтытимæ тох кæныны къæпхæныл. Æрхъуыдыгонд цаумæ гæсгæ, Дзæуджыхъæуы иумæйаг диспетчерон службæмæ бацыд хъусынгæнинаг Редантмæ хæстæг хъæды зынгсирвæзт кæй æрцыд. Уавæр уæззаудæр кодта уæлдæфы бæрзонд температурæ, стæй дымгæ. Зынгсирвæзт парахат кодта поселокмæ хæстæг. Æрдзон зынгсирвæзты иумæйаг фæзуат уыд 25 гектары. Ахуырты архайджыты хъуыд бынатмæ рацæуын æмæ æнæнхъæлæджы цау аиуварс кæнын. Тренировкæйы рæстæг сбæлвырд кодтой алы ведомствæты хсæн æмархайд. Зынгсирвæзт ахуыссын кæныны тыххæй пайда кодтой нырыккон технологитæй дæр – мониторинг арæзт уыд æнæпилотон тæхæн аппаратты æххуысæй. Бынаты куыста оперативон штаб, арæзт æрцыд æнæнхъæлæджы уавæрты фæстиуджытæ иуварс кæныны фæдыл къамисы æмбырд.
