Мæйы дæргъы, 16-æм апрелы онг, Дзæуджыхъæуы цæрджытæн сæ бон у курдиæттæ бадæттын æмæ сæ хæстæджыты – Фыдыбыстæйы Стыр хæсты архайджыты тыххæй радзурын
«Бакæсут сын сæ цæсгæмттæм». 16-æм мартъийы курдиæттæ исын райдыдтой Уæлахизы Бонимæ баст патриотон акцийы архайынмæ. Мæйы дæргъы, 16-æм апрелы онг, Дзæуджыхъæуы цæрджытæн сæ бон у курдиæттæ бадæттын æмæ сæ хæстæджыты – Фыдыбыстæйы Стыр хæсты архайджыты тыххæй радзурын. Алы аз ацы акцийы фæрцы горæты тыгъдад фесты егъау номарæн галерейы хуызæн. Цæгат Ирыстоны Сæргълæууæг Сергей Меняйлойы хъæппæрисæй, патриотон акци ацы аз нæ республикæйы цæудзæн 5-æм хатт. Йæ саразджыты хъуыдымæ гæсгæ, афæдзæй-афæдзмæ курдиæтты нымæц кæны фылдæр. Ивгъуыд аз Дзæуджыхъæуы уынгты фенæн уыд Фыдыбæстæйы Стыр хæсты архайджыты 7000 къамæй фылдæр. Портреттæ фæзындысты горæты æппæт рекламон конструкциты, афишæты, æхсæнадон транспорты æрлæууæнты æмæ ма видеоформаты хуызы дæр. Ирыстон у Уæрæсейы иунæг регион, Уæлахизы Боны агъоммæ æппæт рекламон фæзтæ не мзæххон хъæбатырты – Фыдыбæстæйы Стыр хæсты портреттæ кæм вæййынц, ахæм. Курдиат бадæттын ис бирæвæрсыг центрты Доваторы проспекты, Цоколаты Геннадийы æмæ Мичурины уынгты. Раздæр азты рекламон конструкцитыл цы ветеранты портреттæ уыд, уыдон æвæрд цæудзысты æнæ курдиæттæй.
