3 боны студенттæ сæ арæхстдзинад æвдисдзысты 4 сфæлдыстадон къабазмæ гæсгæ. Хуыздæр номыртæ та аивадуарзджытæ фендзысты гала-концерты
Хæххон паддзахадон аграрон университеты райдыдта фестиваль «Студентон уалдзæг». 3 боны студенттæ сæ арæхстдзинад æвдисдзысты 4 сфæлдыстадон къабазмæ гæсгæ. Хуыздæр номыртæ та аивадуарзджытæ фендзысты гала-концерты. Фестиваль æххæстгонд цæуы, национ проект «Фæсивæд æмæ сывæллæттæ»-м гæсгæ. Курдиатджын фæсивæды тыххæй радзурдзæн Хъайтмазты Дзерассæ.
Фыццаг сценæмæ рацыдысты агрономон факультеты студенттæ. Фестиваль байгом кодтой «Хонгæ» кафтæй. Хæххон паддзахадон аграрон университеты «Студентон уалдзæг» цæудзæн 3 боны. Архайджытæ сæ курдиат равдисдзысты 4 сфæлдыстадон къабазы – вокалæй театралон аивады онг.
Студентон уалдзæг ацы фæсивæдæн æрмæст сфæлдыстадон ерыс нæ нысан кæны. Ацы цаумæ фенхъæлмæ кæсынц æппæт ахуырадон аз. Сæрмагондæй йæм фæцæттæ кæнынц: алы лыстæг хъуыддаг дæр хыгъд æрцæуы. æмæ ма суанг сценæмæ фыццаг хатт чи нæ рацæуы, уыдонæн дæр ацы мадзал вæййы бæрнон.
Сæ курдиат æвдисынц 200 архайæгæй фылдæр. Сæ арæхстдзинадæн сын аргъ кæны профессионалон жюри – республикæйы культурæйы къабазы минæвæрттæ. Хуыздæр номертæ аивадуарзджытæ фендзысты гала-концерты.
Фестиваль æххæстгонд цæуы национ проект «Фæсивæд æмæ сывæллæттæ»-м гæсгæ. Студенттæн уый у хорз гæнæн сæхи равдисынæн, сценикон фæлтæрддзинад райсынæн, стæй, гæнæн ис, æмæ фидæны дæсныйадмæ фыццаг къахдзæф скæнынæн.
