филиал вгтрк государственная телерадиовещательная компания “Алания”

Дзанайты Барис архайдта, Кавказы инвестицион форуммæ цæттæ кæныны æмбырды. Амыдта йæ Уæрæсейы экономикон рæзты министры хæдивæг Сергей Назаров. Ныхас цыд организацион фарстатыл. Снысан ма кодтой инвестицион форумы куыстадон æмæ культурон программæты сæйраг хъуыддæгтæ. Дзанайты Барис куыд загъта, афтæмæй ахсджиаг мадзалмæ Цæгат Ирыстоны бындуронæй цæттæ кæнынц сæхи. æппæт къабæзтæм дæр цæуы бæстон цæстдард. Ахæм хæс сæвæрдта республикæйы Сæргълæууæг Сергей Меняйло. Делегацийы хыгъд, стенды макет æмæ, нæ республикæ бафыссынмæ кæй хъавы, уыцы бадзырдтæ ныридæгæн сты цæттæ. Форумы программæйы цы спортивон мадзæлттæ уыдзæн, уыдоны архайдзысты зындгонд цæгатирыстойнаг чемпионтæ.