Сæ нæмттæ æнустæм фыст æрцыдысты национ аивады историйы
Национ наукон библиотекæйы уыд, Уæрæсейы адæмон артист Сланты Къостайы æмæ Цæгат Ирыстоны адæмон артисткæ Кочысаты Зойæйы мысæн изæр. Сæ нæмттæ æнустæм фыст æрцыдысты национ аивады историйы. Сфæлдыстадон æмæ бинонты цæдис ма сси сценæйæн лæггады ирд дæнцæг. Цикл «Стыр театры кадджын хистрæтæ» æххæст кæнгæйæ, библиотекæйы æрæмбырд сты артисттæ, критиктæ æмæ фæсивæд. Æрымысыдысты Къостайы æмæ Зойæйы ирд сурæттæ. Номарæн изæры тыххæй бæстондæр радзурдзæн Куыдзиаты Алинæ.
Театр у æнæхъæн дуне. Уæлдайдæр та дæ царды уарзон хъуыддаг бинонты бындур куы суа, уæд. Афтæ сценæ баиу кодта Сланты Къостайы æмæ Кочысаты Розæйы. Иумæ фацардысты бирæ æзты дæргъы. Сæ номыл Национ наукон библиотекæйы арæзт æрцыд мысæн изæр. Æрбацыдысты йæм, ирон аивад зынаргъ кæмæн у, ахæм адæм. Се мкусджытæ, ахуыргæнинæгтæ, театралон критиктæ. Уыдонæн бацæттæ кодтой архивон хуызистытæ, спектакльтæй æмæ кинонывтæй скъуыддзæгтæ. Къоста киноэкраныл сфæлдыста 18 сурæты. Зæгъæм, зындгонд «Сюрприз»-æй Сардион.
Уæвгæ Сланты Къоста аивады уыд йæ сабибонтæй фæстæмæ. Йæ фыццаг къахдзæвтæ райдыдтой фольклорон ансамбль «Арт»-ы Джызæлы. Ансамбльмæ йæ æрбакодта культурæйы сгуыхт кусæг Хадыхъаты Зинæ. Уæрæсейы Федерацийы адæмон артист Сланты Къоста ма хицæн кодта диссаджы рæсугъд хъæлæсæй, йæ зæрæггæнæджы курдиат ис фехъусын «зæронд фæндырдзæгъдæджы» зарæджы. Нæ республикæйы адæмон артисткæ Кочысаты Розæйы ном дæр стыр дамгъæтæй фыст æрцыд Ирыстоны аивады. Бирæвæрсыг курдиатты хицау, драмон актрисæ æмæ опереттæты архайæг.
Сценæйы ирд стъалыты ном æрымысынмæ æрбацыдысты фидæны аивады архайджытæ дæр. Доййаты Давидæн Сланты Къоста уыд йе мхъæуккаг, æмæ уымæ гæсгæ сразæнгард ис сфæлдыстадмæ.
Ацы фембæлд канд мысинæгтæ нæ уыдысты. Залы адæмæй къух бакæнæн нæ уыд. Се ппæт дæр ногæй æрымысыдысты, театры историйы æнустæм чи баззад, уыцы сценæйы дæсныты: Сланты Къостайы æмæ Кочысаты Зойæйы.
