филиал вгтрк государственная телерадиовещательная компания “Алания”

Ахуырадон центр «Ног горæт»-ы кад кодтой шахмæттæй ерысты уæлахиздзаутæн. Архайдтой дзы алы ахуыргæнæндæтты командæтæ. Ерыстæ цыдысты æртæ къæпхæнæй. Турнир «Дебют»-ы сæ зонындзинæдтæ æвдыстой 1-æгæм æмæ 2-æгæм кълæсты ахуырдзаутæ. «Шахмæтты фæз»-ы баиу сты хъæуккаг скъолаты сывæллæттæ. Алкæмæндæр фадат уыд ерысты бацархайынæн. Стæй уæд – æппæтуæрæсеон турнир «Белая ладья»-мæ æвзарæн къæпхæн. Йæ уæлахиздзаутæ ацæудзысты Сочимæ, финалмæ. Ацы къæпхæны архайджыты æмæ тренерты схорзæхджын кодтой дипломтæй, майдантæй æмæ кубоктæй. Уазджытæн ма бацæттæ кодтой зæрдæмæдзæугæ концерт дæр.