Ацы ерыстæй ссардтой, йæ хæс æххæстгæнгæйæ чи фæмард, барадхъахъхъæнæн оргæнты уыцы кусджыты ном
Мæздæджы уыд регионты хсæн номарæн турнир дзюдойæ, 10 азæй – 15 азы онг лæппуты æмæ чызджыты хсæн. Ацы ерыстæй ссардтой, йæ хæс æххæстгæнгæйæ чи фæмард, барадхъахъхъæнæн оргæнты уыцы кусджыты ном. Турниры райдиан дидинджытæ сæвæрдтой, æдасдзинады федералон службæйы кусæг Сергей Астанины цыртдзæвæныл. Мидхъуыддæгты оргæнты кусджыты æмæ сæрмагонд æфсæддон операцийы хæстонты мемориалты цур уыд митингтæ. Мадзал гом кæныны архайдтой æвзонг спортментæ, æхсæнадон организациты уæнгтæ, районы пъæлицæйы хайады ветеранты организацийы æмæ Мæздæджы районы ветеранты Советы минæвæрттæ, стæй сæрмагонд операцийы ветеранты ассоциацийы уæнгтæ, чи фæмард, уыцы хъæбатырты хæстæджытæ. Номарæн турниры уыдысты Кæсæг-Балхъарæй дзюдоисттæ æмæ республикæйы районтæй спортсментæ – 200 архайæгæй фылдæр. Ерысты хатдзæгтæм гæсгæ фыццаг бынат бацахстой Мæздæджы минæвæрттæ, дыккаг – горæт Терекы, æртыккаг та – Дзæуджыхъæуы.
