Иу сæ кæны проект «Аивады уылты реабилитаци
Дзæуджыхъæуы байгом 2 цымыдисаг равдысты. Иу сæ кæны проект «Аивады уылты реабилитаци». Экспозицитæй иу хуыйны «Народ единый – страна непобедимая!». Хаст æм æрцыдысты, Санкт-Петербурджы Александр Штиглицы номыл аивадон-промышленнон академийы студентты куыстытæ. Нывгæнджытæ бацæттæ кодтой сæрмагонд æфсæддон операцийы архайджыты портреттæ. Дыккаг экспозицийы та сты нывгæнæг Евгений Коробских-Кудашовы куыстытæ. Фæндаггон фыдбылызы фæстæ баззад æнæ къухтæй, фæлæ сфæлдыстад нæ ныууагъта, аразы дæсныйадæвдисæг ахуыртæ хæстонтæн. Дыууæ равдысты дæр арæзт сты «Фыдыбæстæ хъахъхъæнджыты» фонды филиалы æххуысæй. Бабæрæг кæнæн сæ уыдзæн 11-æм апрельмæ. Бæлвырддæр радзурдзæн Хъайтмазты Дзерассæ.
Цæстæнгасы – ныфсхастдзинад, æфсæддон фæлтæрддзинад æмæ уыимæ æнцойад æмæ сабырдзинад. «Седые глаза»». Афтæ хуыйны Санкт-Петербурджы Александр Штиглицы номыл аивадон-промышленнон академийы студенты ныв. Уый у, æппæтуæрсеон равдыст-конкурс «Народ единый – страна непобедимая»-йы цы 20 куысты ис, уыдонæй иу. Æппæт нывтæ иу кæны хæстон темæ æмæ сæйраг фæлгонц – Фыдыбæстæ хъахъхъæнæг.
Йæ фарсмæ ма иу экспозици. Хаст æм æрцыдысты Уæрæсейы нывгæнджыты Цæдисы уæнг, æппæтадæмон преми «Филантроп»»-ы лауреат Евгений Коробских-Кудашовы куыстытæ. Цалдæр азы размæ фæндаггон фыдбылызы бахауд æмæ баззад æнæ къухтæй. Царды уæззау фæлварæнтæ йын йæ ныфс нæ басастой, дарддæр фыссы нывтæ. Йе сфæлдыстад сси проект «Реабилитация через искусство»-йы хай. Уый æвдисы, нывкæнынад адæймагæн куыд æххуыс кæны зындзинæдты сæрты хизын.
Дыууæ равдысты дæр Дзæуджыхъæуы байгом сты паддзахадон фонд «Фыдыбæстæ Хъахъхъæнджыты» регионалон филиалы æххуысæй. Бабæрæг кæнæн сæ уыдзæн 11-æм апрельмæ.
Равдыстытæ байгом кæныны мадзалы уыдысты сæрмагонд æфсæддон операцийы архайджытæ, кадетон кълæсты ахуырдзаутæ. Бирæтæн ацы куыстытæ хуымæтæг аивадон уацмыстæ не сты, фæлæ лæгдзинады æмæ Фыдыбæстæйæн лæггад кæныны историтæ. Мадзаларазджытæ куыд зæгъынц, афтæмæй ахæм проекттæ æрыгон фæлтæрæн æххуыс кæнынц хуыздæр бамбарын сгуыхтдзинæдтæн цы аргъ ис, уый.
Экспозицийы хицæн бынат ахсы фотопроект «Путь к победе». Ацы хуызистытæ цыма зæрдыл лæууын кæнынц адæмы иудзинады æмæ фидардзинады тыххæй зындзинæдты раз.
