10 апреля 2026, 10:44
Дарддæр цæуы конкурс «Новые горизонты»-йы архайынмæ курдиат бадæттыны рæстæг
Баст у архитектурæйы азимæ
Дарддæр цæуы конкурс «Новые горизонты»-йы архайынмæ курдиат бадæттыны рæстæг. Баст у архитектурæйы азимæ. Уый тыххæй фехъусын кодта Цæгат Ирыстоны сæргълæууæг Сергей Меняйло. Конкурс у креативон æмæ цымыдисаг хъуыдыты фæз. Йæ нысан у горæты тыгъдады нырыккон бакаст аразын национ традицитæ хынцгæйæ. Архайджыты хъæуы рæстæмбис уæладзыгон цæрæн арæзтадты разуындты концепцийыл бакусын нырыккон алайнаг архитектурæйы стилы. Уымæй фæстæмæ ма ис, егъаудæр проекттæ бахæссыны гæнæн. Зæгъæм, бæстыхæйтты комплекс. Бацархайæн ис иунæгæй, кæнæ сæмбырд кæнын 7 адæймаджы онг командæ. Хуыздæр проектты автортæ хорзæхджынгонд æрцæудзысты. Курдиæттæ бадæттын ис 25-æм сентябрьмæ.
