Физкультурон-дзæбæхгæнæн комплексы сæмбырд сты æвзонг спортсменкæтæ Краснодары æмæ Стъараполы крайтæй, Цæгат Кавказы федералон зылды регионтæй
Мæздæджы уыд турнир-фестиваль аивадон гимнастикæйæ «Æз дæн гимнасткæ». Физкультурон-дзæбæхгæнæн комплексы сæмбырд сты æвзонг спортсменкæтæ Краснодары æмæ Стъараполы крайтæй, Цæгат Кавказы федералон зылды регионтæй. Нæ республикæйы кад хъахъхъæдтой Дзæуджыхъæуæй æмæ Мæздæгæй командæтæ. Æдæппæтæй 200 архайæгæй фылдæр. 3 азæй 15 азы онг спортсменкæтæ ерыс кодтой сæ кары категоритæм гæсгæ, куыд хи, афтæ командон хыгъды дæр. Традицимæ гæсгæ гимнасткæты схорзæхджын кодтой сæрмагонд номинациты дæр – «Мисс очарование» æмæ «Мисс артистичность». Тæрхонгæнджытæ фæнысан кодтой архайджыты цæттæдзинады бæрзонд æмвæзад. Тыхджындæртæ разындысты Кисловодскæй æмæ Мæздæгæй гимнасткæтæ.
