Подрядон организаци уал æрæхгæдта территори
Уæллаг Фыййагдоны райдыдта республикæйы пульмонологон центры рацарæзт. Подрядон организаци уал æрæхгæдта территори. Уый фæстæ, аразджытæ бавналдзысты зæронд бæстыхай халынмæ. Уый фæстæ райдайдзысты, уæз кæуыл цæудзæн, ахæм цæджындзтæ æвæрын, инженерон хызтæ уадзын, бæстыхайы мидæгæй куыстытæ, стæй саив кæндзысты территори. Уый уыдзæни 7 уæладзыгон бæстыхай, нырыккон кусæнгæрзтимæ. Ног центрæн уыцы иу рæстæг йæ боны уыдзæни 120 адæймагæн лæггад кæнын. Куыстытæ цæуынц 2 къæпхæнæй. Специалисттæ куыд зæгъынц, афтæмæй фæуыдзысты 2028-æм азы. Рацарæзт цæуы паддзахадон программæ «Æнæниздзинадхъахъхъæнынады рæзт»-мæ гæсгæ. Хицауады фыццаг вице-премьер Атарты Георгий фембæлд арæзтадон организацийы разамындимæ. Арæзтады министрадимæ æмæ бындурон арæзтады управленийымæ иумæ бæстонæй æркастысты рацарæзты алы къæпхæнтæм. Атарты Георгий куыд загъта, афтæмæй ацы бæстыхай 60 азмæ иу хатт дæр цалцæггонд нæ уыди.
