Дзанайты Барис загъта, республикæ федералон проектты кæй архайы, уымæн стыр ахадындзинад кæй ис, уый тыххæй
Цæгат Ирыстоны социалон лæггæдты райрæзтыл æмæ цæрджытæн æххуыс кæныны мадзæлттыл ныхас цыди Хицауады æмбырды. Дзанайты Барис загъта, республикæ федералон проектты кæй архайы, уымæн стыр ахадындзинад кæй ис, уый тыххæй. Иууылдæр баст сты алы къабæзты социалон æххуысимæ æмæ инфраструктурæ ног кæнынимæ. Социалон контрактты бындурыл адæм активонæй пайда кæнынц паддзахадон æххуысæй. Ацы хæстæн ацы аз дихгонд цæуы 380 милуан сомы. Фæнд кæнынц, мин æмæ 5 сæдæ социалон контракты бафыссын. Фарон ацы бæрæггæнæн уыди 1440. Федералон æххуысы фæрцы Беслæны теракты хъыгдард баййафджытæ æрвылаз цæуынц реабилитаци. Æнæрлæугæ фæткмæ гæсгæ куыст цæуы сæрмагонд æфсæддон операцийы архайджытимæ æмæ сæ бинонтимæ. Дзанайты Барис куыд загъта, афтæмæй алы категориты цæрджытæн хъæуы алывæрсыг æххуыс кæнын. Фылдæр æргом здæхт цæуы се нæниздзинад хъыгдард кæмæн у, ахæм адæммæ, уыимæ, инвалид сывæллæттæм дæр.
