филиал вгтрк государственная телерадиовещательная компания “Алания”

Цæгат Ирыстоны Хицауады сæрдары фыццаг хæдивæг Атарты Георгий кусæг балцы уыд Горæтгæрон районы. Бабарæг кодта, национ проекттæм гæсгæ цы социалон объекттæ арæзт æмæ цалцæггонд цæуынц, уыдон. Сæ хыгъды, Куырттаты сывæллæтты рæвдауæндон æмæ скъола, Октябрьскæйы культурæйы хæдзар, Сунжæйы сывæллæтты рæвдауæндон æмæ Комгæроны скъола. Загъта йæ хъуыдытæ æмæ фиппаинæтæ. Æдæппæтæй районы ацы аз национ проекттæм гæсгæ арæзт æмæ цалцæггонд æрцæудзæн 9 ахуырадон кусæнуаты. Атарты Георгий куыд загъта, афтæмæй ахæм балцытæ уыдзæн иннæ районтæм дæр. Хæстæгдæр нысангонд æрцыд ног къуыримæ.