Архивон службæйы æмæ бынæттон хиуынаффæйады оргæнты иумæйаг куыстыл æрныхас кодтой муниципалон скондты Советы æмбырды
Республикæйы Сæргълæууæг Сергей Меняйлойы уынаффæмæ гæсгæ активон куыст цæуы, Фыдыбæстæйы Стыр хæсты хъæбатырты ном сæнусон кæныны тыххæй. Архивон службæйы æмæ бынæттон хиуынаффæйады оргæнты иумæйаг куыстыл æрныхас кодтой муниципалон скондты Советы æмбырды. Ивгъуыд аз йæ разамындæй арæзт æрцыд сайт «Ирыстоны адæмы номарæн». Уым бæлвырд фыст цæуы Фыдыбæстæйы Стыр хæсты хъæбатырты тыххæй информаци. Абоны онг дзы ныффыстой 11 мин уацæй фылдæр. Æфсæддон комиссардты рагагъоммæ нымадмæ гæсгæ, ацы нымæц хъуамæ схæццæ уа 100 мин адæймагмæ. Уымæй дарддæр ма, иннæ хъæппæристæ царды рауадзыны тыххæй арæзт æрцыд центр «Ирыстоны хъайтар намыс», чиныг «Мах бахъахъхъæдтам Фыдыбæстæ нæхицæй» æмæ хуызистыты альбом «Уæлахизы фыстæджытæ».
Советы ма ныхас цыд муниципалон разамонджыты ахуырты хатдзæгтыл. «Аланийы командæ: муниципалон æмвæзад» Уæрæсейы президенты цур адæмон хæдзарады æмæ паддзахадон службæйы академийы. Программæ царды уадзын райдыдтой ивгъуыд азы 30-æм сентябры, республикæйы Сæргълæууæджы уынаффæмæ гæсгæ. Уыцы мгъуыдмæ кæронмæ æрхæццæ муниципалон разамонджыты ахуырад 6 модульмæ гæсгæ: æртæ – комкоммæ, стæй æртæ – дистанцион. Ахуырад ацыдысты 360 адæймаджы. Ахсджиагдæр у уый, æмæ радих кодтой 5 проекты. Арæзт сты муниципалитетты социалон-экономикон рæзтæн. Архайдтой дзы президентон ресурсы 21 эксперты. Уыдон та сты: регионты сæргълæуджытæ æмæ сæ хæдивджытæ. Дарддæр та республикæйы цæудзæн сæрмагонд модуль. Цæттæ кæндзысты уæлдæр разамынддæттæг кадртæ. Уый хынцгæйæ, Цæгат Ирыстоны Сæргълæууæг æмæ Дзæуджыхъæуы администраци иумæ лыг кæндзысты регионы æмæ муниципалон скондты актуалон фарстатæ.
