Дыууæ боны национ центрты æмæ Цæгат Кавказы федералон зылды регионты специалисттæ ныхас кæнынц кардиологийы актуалон фарстатыл æмæ медицинæйы рæзтыл
Цæгат Ирыстоны паддзахадон медицинон академийы арæзт æрцыд 7-æм æрвылазон æппæтуæрæсеон наукон-практикон конференци «Кавказы зæрдæ». Дыууæ боны национ центрты æмæ Цæгат Кавказы федералон зылды регионты специалисттæ ныхас кæнынц кардиологийы актуалон фарстатыл æмæ медицинæйы рæзтыл. Форумы сæйраг нысан у – дохтырты зонындзинæдтæ æмæ фæлтæрддзинад баиу кæнын, стæй зæрдæйы æмæ тугдадзинты низты профилактикæйыл ахадгæйæ кусын. Конференцийы архайынц 60 специалистæй фылдæр. Эксперттæ дзурынц сæ фæлтæрддзинады, низ дзæбæх кæныны нырыккон методикæтыл æмæ пациентты реабилитацийыл. Мадзал саразджыты хъуыдымæ гæсгæ, ахæм конференцитæ фадат дæттынц специалистты профессионалон æмвæзад фæуæлдæр кæнынæн, æмæ медицинон лæггæдты хæрзхъæддзинад фæхуыздæр кæнынæн.
