Уый у æнæфæцудгæ дисциплинæйы хатдзæ
Æнæхъæн афæдз цæттæгæнæн репетицитæ æмæ «Ирон сюитæ» Мæскуыйы сценæйы. Ансамбль «Хæхты сывæллæттæ» райста гран-при æппæтадæмон конкурсы номинаци «Адæмон кафт»-ы. Уый у æнæфæцудгæ дисциплинæйы хатдзæг. Ахæм уæлахизы фæстæ репетицитæ не рлæууыдысты. Уымæн æмæ разæй ног нысантæ æмæ равдыстытæ. Коллективы тыххæй бæлвырддæр радзурдзæн Хæуытаты Зитæ.
Дæнцæгæн хæссинаг сывæллæтты адæмон кафты ансамбль «Хæхты сывæллæтты» курдиатæн стыр аргъ кæм скодтой, ахæм конкурстæ æмæ фестивальтæ иу æмæ дыууæ не сты. Ацы хатт сæхи æнтыстджынæй равдыстой Мæскуыйы 21-æм æппæтадæмон хореографион аивæдты конкурс «Танцевания»-йы. Жюрийы æмæ аивадуарзджыты размæ рахастой кафт «Ирон сюитæ». Номинаци «Адæмон кафт»-ы систы фыццаг къæпхæны лауреаттæ, стæй ма рамбылдтой Гран-При. Конкурсы архайдтой Уæрæсейы регионтæй 100 минæварæй фылдæр.
Сывæллæттæй ис ахæмтæ, ансамблы концертон къордмæ нырма æрæджы чи бацыд. Уыдонæн ацы балц уыд фыццаг. Дзаг уыд цымыдисаг æмæ æхсызгон æнкъарæнтæй. Иннæты та, æнгомдæр фæкодта иу бинонтау, бафтыдта сын се нкъарæнтыл æмæ сæ сразæнгард кодта ног æнтыстытæм.
Æрмæст Сæрмæт нæ, фæлæ ма иннæ сывæллæттæ дæр куыд зæгъынц, афтæмæй, фылдæр разамонæджы бæстон фæткæвæрд, йæ бæрнон цæстæнгасы руаджы свæййынц алыхуызон конкурсты æмæ фестивальты уæлахиздзаутæ. Уыцы фæтк сæ кæны куыстхъомдæр аивады, æмæ æрвылбоны царды дæр. Уæлдай æнкъарæнджын ма æвзонг артисттæн ацы балц уымæй рауад, æмæ сæ ансамблы иумæйаг хæрзиуæгæй уæлдай алкæмæн дæр хицæнæй балæвар кодтой конкурсы зæрдылдаргæ нысан. Æфтæмæй, цины базыртыл Ирыстонмæ сыздæхгæйæ, фæллæд нæзонгæйæ, æвзонг артисттæ дарддæр сæхи цæттæ кæнынц ног концерттæм.
