06 мая 2026, 10:40
Спорты галуан «Манеж»-ы уыд спортивон хъæбысхæсты фестиваль Дзæуджыхъæуы сæргълæууæджы призтæ рамбулыныл
Ерысы архайдта 300 æвзонг спортсменæй фылдæр
Спорты галуан «Манеж»-ы уыд спортивон хъæбысхæсты фестиваль Дзæуджыхъæуы сæргълæууæджы призтæ рамбулыныл. Ерысы архайдта 300 æвзонг спортсменæй фылдæр. Гауызмæ рацыдысты 2012-2013-æм азты чи райгуырд, ахæм хъæбысхæцджытæ. Уыдысты республикæйы алы спортивон скъолатæй æмæ ерыс кодтой 12 уæзы категорийы – 35-æй 100 килограммы онг. Уæлахиздзаутæн æмæ призертæн саккаг кодтой кубоктæ, майдантæ æмæ кады гæххæттытæ. Фестиваль саразыныл бакуыста Дзæуджыхъæуы администрацийы фæсивæдон политикæйы, физкультурæйы æмæ спорты комитет Цæгат Ирыстоны спортивон хъæбысхæсты Федерациимæ иумæ. Турниры архайджытæн арфæ ракодта Дзæуджыхъæуы администрацийы сæргълæууæджы хæдивæг Ходы Мæдинæ.
