08 мая 2026, 10:35
Цæгат Ирыстоны æфсæддон комиссарады райдыдта акци «СВОя история»
Мадзал арæзт æрцыд республикæйы Сæргълæууæг Сергей Меняйлойы хъæппæрисæй
Цæгат Ирыстоны æфсæддон комиссарады райдыдта акци «СВОя история». Мадзал арæзт æрцыд республикæйы Сæргълæууæг Сергей Меняйлойы хъæппæрисæй. Фыццæгтæ дзы архайдтой Дзæуджыхъæуы 43-æм скъолайы хистæркъласонтæ. Фæсивæд аныхас кодтой майор Рубен Днепровскиимæ æмæ сæрмагонд æфсæддон операцийы архайæг Мæгкæты Олегимæ. Уазджытæ радзырдтой Фыдыбæстæйы Стыр хæсты хабæртты тыххæй. Уыимæ сæ барстой абоны æфсæддон цаутимæ. Скъоладзаутæн фадат уыд сæ фæрстытæ раттынæн. Уымæй дарддæр ма кæстæртæн бацæттæ кодтой дыууæ ахсджиаг дуджы тыххæй экспозици. Акци «СВОя история» арæзт æрцæудзæн республикæйы æппæт районты.
