Электрон рады регистраци кæнынц, транзитæй чи цæуы, æппæт уыцы уæзласæн машинæтæ
Уæрæсейаг-гуырдзиаг арæныл ахизынæн сæйраг нымæцон æххуысгæнæг кусы ныр 6 мæйы. Электрон рады регистраци кæнынц, транзитæй чи цæуы, æппæт уыцы уæзласæн машинæтæ. Тагъд рæстæджы системæйы нысангонд æрцæудзæн сæдæминæм машинæ. Электрон рады сервистæ кусынц 8 æвзагыл, регистрациимæ къуылымпыдзинæдтæ нæ вæййы. Бæлвырддæр радзурдзæн Хъайтмазты Дзерассæ.
Абон уадзæн пункт «Уæллаг Ларс»-ыл æрмæст иуырдæм цæуы 700 уæзласæн машинæйы онг суткæмæ. Цæмæй ацы хъуыддаг нывыл конд уа, уый тыххæй Уæрæсейы Хицауады хæслæвæрдмæ гæсгæ арæзт æрцыд электрон рады системæ. 6 мæймæ йæхи иттæг хорз равдыста. Тагъд рæстæджы дзы нысангонд æрцæудзæн сæдæминæм машинæ
Арæны сæрты ахизынмæ æнхъæлмæ кæсыны рæстæмбис рæстæг у 2-йæ 4 суткæйы онг. Уæзласæнты шофыртæн сарæзтой сæрмагонд лæууæн бынæттæ.
Ауылты цæуынц дæсгай бæстæтæй шофыртæ. Уымæ гæсгæ сервистæ кусынц 8 æвзагыл. Арæнмæ фæндагыл ис иу бæлвырдгæнæн пункт.
Электрон рад регионы цæрджыты суæгъд кодта алыхуызон зындзинæдтæй. Шофыртæ-иу сæ машинæтæ æвæрдтой трассæйы фæрсты, горæты, ахстой æппæт парковкæтæ æмæ артаджы станцæтæ. Уынгты машинæты цыд къуылымпы кодта.
Ног системæйы куыстæн аргъ скодтой шофыртæ сæхæдæг дæр.
Райрæзты иннæ къæпхæн суыдзæн интеллектуалон уадзæн пункт саразын. Уыцы куыст нысангонд у хæстæгдæр азтæм.
