Архайынц дзы республикæйы скъолаты æмæ астæуккаг ахуыргæнæндæтты сфæлдыстадон къордтæ
Дзæуджыхъæуы цæуы ирон æвзагыл фыццаг фæсивæдон театралон фестиваль «Бонвæрнон»-ы финал. Архайынц дзы республикæйы скъолаты æмæ астæуккаг ахуыргæнæндæтты сфæлдыстадон къордтæ. Муниципалон къæпхæн цыд 4 мæйы. Финалмæ равзæрстой 23 спектаклы. Фестивалы темæ баст у Фыдыбæстæйы Стыр хæстимæ. Мадзал арæзт цæуы Цæгат Ирыстоны сæргълæууæг Сергей Меняйлойы хъæппæрисæй. Бæлвырддæр радзурдзæн Хъайтмазты Дзерассæ.
23 спектаклы æмæ сæ алкæцыдæр æвдисы, хæст адæмы сабыр цардмæ куыд бабырста, уый. Хæсты зындзинæдты тыххæй æрмæст чингуытæй чи зоны, уыцы фæлтæрæн уæды рæстæджы атмосферæ равдисын æнцон нæу. Фæлæ фестиваль «Бонвæрнон»-ы архайджытæн уый сæ къухы бафтыд. Дзæуджыхъæуы 11-æм скъола сценæмæ рахаста Плиты Грисы уацмыс «Мад æмæ фырт»-мæ гæсгæ спектакль. Сæйраг рольтæ ахъазыдысты 10-æмкъласон Гозымты Ацæмæз æмæ 8-æмкъласон Икъаты Ланæ.
Ирон æвзагыл фыццаг фæсивæдон театралон фестиваль «Бонвæрнон» сæмбырд кодта республикæйы скъолатæй æмæ астæуккаг ахуыргæнæндæттæй сфæлдыстадон къордтæ. Муниципалон къæпхæн ахаста 4 мæйы. 74 спектаклæй финалмæ равзæрстой 23. Фестивалы темæ баст Фыдыбæстæйы Стыр хæсты Уæлахизимæ.
Фестиваль арæзт у Цæгат Ирыстоны сæргълæууæг Сергей Меняйлойы хъæппæрисæй. Æххæст æй кæнынц культурæйы министрад æмæ ахуырады æмæ наукæйы министрад. Ацы фестиваль фыццаг у, фæлæ йæ фæнд кæнынц æрвылаз аразын.
Финалон равдыстытæ цыдысты 2 боны. Хатдзæгтæ скæндзысты ног къуыри. Уæлахиздзауты схорзæхджын кæндзысты фестивалы гала-концерты.
