Компенсаци исынц коммуналон лæггæдтæ фидынæн, сывæллæтты сæрдыгон фæлладуадзынæн æмæ сæ скъоламæ цæттæ кæнынæн. æмæ уый у æрмæстдæр æххуысы иу хай
Цæгат Ирыстоны бирæсывæллонджын бинонтæн сæ бон у паддзахадон æххуысæй пайда кæнын. Компенсаци исынц коммуналон лæггæдтæ фидынæн, сывæллæтты сæрдыгон фæлладуадзынæн æмæ сæ скъоламæ цæттæ кæнынæн, æмæ уый у æрмæстдæр æххуысы иу хай. Нæ республикæйы социалон æххуысæй æххæст сты 8 мин бирæсывæллонджын бинонтæй фылдæр. Бæстондæр радзурдзæн Чехойты Фатимæ.
Ахæм ныв бирæсывæллонджын мадæн æнахуыр у. Йæ фæлладуадзыны рæстæг æдзух æрвиты йе *хсæз фырты астæу. Цалынмæ хистæртæ скъолайы æмæ университеты вæййынц, уæдмæ ныййарæг вæййы йæ фондзаздзыд Асланимæ. Бинонтæ бирæсывæллонджыныл нымад æрцыдысты æртыккаг сабийы райгуырды фæстæ. Ныр та æнхъæлмæ кæсынц æвдæммæ. Бирæ сывæллæтты мад суæвын уыд Джиголаты Кларæйы бæллиц. Уал кæстæры хъомыл кæнын æнцон нæу, уæлдайдæр та финансон æгъдауæй. æмæ ам паддзахады æххуыс райсын у æхсызгон хъуыддаг.
Джиголатæ социалон æххуыс исынц алы ведомствæтæй. Фæллойы æмæ социалон рæзты министрады руаджы сæрды сывæллæтты сæ фæллад фæуадзынц дзæбæхгæнæн лагерты. Ведомство сын радих кæны фæрæзтæ скъоламæ цæуынæн дзаумæттæ балхæнынæн. Исынц ма компенсаци 30 % бæрц коммуналон хæрдзтæ фидынæн.
Паддзахады æххуыс сæ бон исын у бирæсывæллонджын æмæ фæкæсынхъуаг бинонтæн. Курдиат бадæттын хъæуы социалон æххуысы управленимæ, кæнæ та бирæвæрсыг центрмæ. Республикæйы социалон æххуыс исынц 8 минæй фылдæр бинонтæ. Лæггæдты хыгъдимæ рагацау, министрадмæ æмæ бирæвæрсыг центрмæ *рбацæуыны агъоммæ, базонгæ уæвæн ис ведомствæйы официалон хызы. Ис дзы, цæрджыты алы категоритæн цавæр социалон æххуыс æмбæлы, уыимæ баст хъусыгæнинæгтæ.
