филиал вгтрк государственная телерадиовещательная компания “Алания”

Æрæфы районы дарддæр цæуы доны системæйы реконструкци. Ныртæккæ куыстытæ уыцы иу рæстæг цæуынц 2 хайы. Ныридæгæн сæвæрдтой хæтæлтæ 23 километры дæргъы. Фыццаг хайы æвæрынц полиэтиленæй хæтæлтæ. Сæ диаметр 450 миллиметры. 2 рæнхъы – фарастгай километры алкæцыдæр. Сæ фылдæр хай цæттæ у. Дыккаг хайы ма æвæрынц ноджыдæр хæтæлты иу рæнхъ – 5 километры бæрц. Куыстытæ æххæстгонд цæуынц национ проект «Цардæн инфраструктурæ»-йы федералон проект «Коммуналон инфраструктурæйы модернизаци»-мæ гæсгæ. Фæуын сæ фæнд кæнынц 2027-æм азы кæронмæ.