Уæрæсейы социалон фонды райдыдта æрвылазон фиддонтæ исынæн курдиæттæ дæттыны рæстæг
Дыууæ æмæ фылдæр сывæллоны цы бинонты ис, уыдонæн æххуысы ног мадзал йæ тыхы бацыд. Уæрæсейы социалон фонды райдыдта æрвылазон фиддонтæ исынæн курдиæттæ дæттыны рæстæг. Уый тыххæй хъæуы бадæттын курдиат æмæ ма цавæрдæр гæххæттытæ, иннæ бæрæггæнæнтæ куыстуат сæмбырд кæндзæн æмæ сбæлвырд кæндзæн йæхæдæг. Курдиат бадæттынæн ныййарджытæн ис 4 мæйы – фыццæгæм октябрьмæ. Бæлвырддæр радзурдзæн Хъайтмазты Дзерассæ.
3 сывæллоны, куыст æмæ хæдзары æрвылбоны хъуыддæгтæ – ахæм у Гуырцъыты Динæйы цард. Кæстæр чызг ныр фæцис рæвдауæндон, астæуккаг фырт ахуыр кæны скъолайы, хистæр та у рауагъдон. Куыд иннæ ныййарджытæ, афтæ Динæ дæр æдзух цæст дары æххуысы мадзæлттæм – бинонты бюджетæй уæлдай æххуыс нæ вæййы.
Уæрæсейы социалон фонды 1-æм июнæй райдыдта æххуысы ног мадзал – бинонты æрвылазон фиддон исынæн курдиæттæ дæттыны рæстæг. Йæ бон æй райсын у, 18 азы онг кæнæ комкоммæ ахуыргæнгæйæ 23 азы онг 2 æмæ фылдæр сывæллоны кæмæн ис, ахæм ныййарджытæн. Уыимæ бинонты рæстæмбис æфтиаг хъуамæ нысангонд æмвæзадæй бæрзонддæр ма уа.
Фиддоны бæрц нымад цæудзæн алкæмæндæр хицæнæй. Курдиат бадæттæн ис паддзахадон лæггæдты порталы уылты, кæнæ та комкоммæ социалон фонды клиентон службæты уылты.
Адæмы æнцойдзинадæн Социалон фонды хайæдты кусынц нымæцон зонæтæ. Ам специалисттæ æххуыс кæнынц бæрæггæнæнтæ сбæлвырд кæнынæн, гæххæттытæ электрон хуызы бадæттынæн.
Бинонты æрвылазон фиддон райсынмæ курдиат бадæттæн ис 1-æм октябрьмæ. Ног мадзал бинонтæн баххуыс кæндзæн сæ финансон уаргъ фæрогдæр кæнынæн.
