Горæты администрацийы информацимæ гæсгæ, фылдæр æргом здæхт æрцыди Московскийы, Хъесаты Астаны, Доваторы æмæ Пушкинскийы уынгтæм
Афæдзы райдианæй Дзæуджыхъæуы базылдысты фæндæгты уæлцъары 18 мин квадратон метрмæ. Горæты администрацийы информацимæ гæсгæ, фылдæр æргом здæхт æрцыди Московскийы, Хъесаты Астаны, Доваторы æмæ Пушкинскийы уынгтæм. Ивгъуыд фæлладуадзæн бонты куыстытæ райдыдта Цæгат Кавказы хæххон металлургон институты районы фæндаджы цалцæг. «Спецэкосервис»-ы специалисттæ фæндаджы ацы уаццаг нымайынц зын объектыл. Асфальт дзы деформаци скæны тынг тагъд. Аразджытæ хъуамæ сног кæной 4 сæдæ квадратон метры фæндаджы уæлцъар. Горæты фæндæгтæм æвæстиатæй базилын – ахæм хæс Дзæуджыхъæуы горæты администрацийæн радта республикæйы сæргълæууæг Сергей Меняйло.
