Паддзахадон телерадиокомпани «Алани»-йы директор Хъуысаты Тимурæн лæвæрд æрцыд «Республикæ Цæгат Ирыстон-Алани»-йы сгуыхт журналисты» кадджын ном
Сæ куысты æмæ æхсæнады уæлдай сгуыхтдзинæдтæ кæй равдыстой, уый тыххæй Сергей Меняйло хæрзиуджытæ радта Хицауады Хæдзары. Уæрæсейы Президенты Указмæ гæсгæ Хæлардзинады орденæй хорзæхгонд æрцыдысты: Геофизикон институты наукон разамонæг Владислав Заалишвили, æхсæнадон змæлд «Ирон адæмы Уæлдæр Совет»-ы уæнг Мæхъиты Гайоз, паралимпаг резервы спортивон скъолайы тренер Наниты Аслан. Дыууæ адæймагæн радтой Фыдыбæстæйы раз сгуыхтдзинæдты ордены майдантæ. Цалдæр специалисты райстой алы къабæзты сгуыхт кусджыты ном. Хорзæхгонд æрцыдысты кады гæххæттытæй, арфæйы фыстæджытæй. «Ирыстоны фæллойы хъæбатыры ном» лæвæрд æрцыд змæлд «Нæ Ирыстон»-ы сæрдар Лагкуты Владмирæн. Журналистикæйы стыр профессионалон æнтыстдзинæдтæ кæй равдыста, уый тыххæй паддзахадон телерадиокомпани «Алани»-йы директор Хъуысаты Тимурæн лæвæрд æрцыд «Республикæ Цæгат Ирыстон-Алани»-йы сгуыхт журналисты» кадджын ном.
