филиал вгтрк государственная телерадиовещательная компания “Алания”

Республикæйы Сæргълæууæг Сергей Меняйло архайдта ведомствоты хсæн кусæг къорды æмбырды. Ныхас цыд Цæгат Кавказы федералон зылды æнæзакъон финансон операциты ныхмæ тохыл. Æмбырд амыдта Президенты æххæстбарджын минæвар Юрий Чайка. Архайдтой ма дзы субъектты сæргълæуджытæ, барадхъахъхъæнæг оргæнты æмæ профилон структурæты минæвæрттæ. Стыр æргом аздæхтой цæрæнуæтты-коммуналон хæдзарады, артаджы æмæ энергон комплексы фарстатæм. Юрий Чайка куыд загъта, афтæмæй ахсджиаг у цæрджыты коммуналон лæггæдтæй æмбæлгæ æмвæзадыл æххæст кæнын, тарифтæм æмæ фæрæзтæм цæст дарын.