Архайдтой дзы республикæйы парламенты депутаттæ, Æхсæнадон палатæйы минæвæрттæ, наукæйы æмæ дины кусджытæ, æхсæнадон архайджытæ
Абон у Уæрæсейы Бон. Уый кадæн арæзт æрцыдысты æмæ цæуынц алыхуызон мадзæлттæ. Дзæуджыхъæуы та арæзт æрцыд цымыдисаг фембæлд «Россия на все времена: путь, ценности, будущее». Архайдтой дзы республикæйы парламенты депутаттæ, Æхсæнадон палатæйы минæвæрттæ, наукæйы æмæ дины кусджытæ, æхсæнадон архайджытæ. Æрныхас кодтой Уæрæсейы историон фæндагыл, граждайнаг бæрнондзинадыл æмæ нæ бæстæйы фидæныл. Цæгат Ирыстоны муфтий Гуæцæлты Хадзымурат куыд радзырдта, афтæмæй ныртæккæ уæлдай ахсджиаг у дзурын, Уæрæсейæн алкæйы хъысмæты дæр цы нысаниуæг ис, ууыл. Цæмæй аргъ кæнæм нæ ивгъуыдæн, ныртæккæйы цардæн æмæ тырнæм рухс фидæнмæ. Паддзахады рæзтмæ стыр æвæрæн хаст цæуы, рæзгæ фæлтæр патриотизмыл куы ахуыр кæной, уæд.
