Арæзт æрцыд йæ организацион æмбырд
Дыгуры районы æрæджы нысангонд æрцыд муниципалон æхсæнадон палатæ. Арæзт æрцыд йæ организацион æмбырд. Архайдтой дзы районы сæргълæууæджы хæстæ рæстæгмæ æххæстгæнæг Хохойты Валерий æмæ Цæгат Ирыстоны æхсæнадон палатæйы сæрдар Нина Чиплакова. Районы æхсæнадон палатæйы уæнгтæн радтой æвдисæндартæ. æмбырды ма равзæрстой Дыгуры районы æхсæнадон палатæйы сæрдары – иузæрдионæй сси Хъамболты Лянæ, йæ хæдивæг Вероника Пахомова. Нысангонд ма æрцыдысты къамистæ, сфидар кодтой дарддæры куыстæн бындурæвæрæн документтæ. æмбырды архайджытæ куыд загътой, афтæмæй зæрдæ дарæн ис, æмæ районы æхсæнадон Палатæйы æмархайдæй бынæттон хицауадæн сæ бон кæй уыдзæн ахадгæдæрæй лыг кæнын сæ размæ æвæрд хæстæ æмæ адæмы риссаг фарстатæ.
