филиал вгтрк государственная телерадиовещательная компания “Алания”

Дигорайы ацыд дыккаг гом республикон турнир шахмæттæй скъоладзауты хсæн. Ссардтой дзы ахуыргонд экономист Цæголты Николайы ном. Ерысты сæмбæлдысты Цæгат æмæ Хуссар Ирыстоны, Кæсæг-Балхъары, Цæцæны республикæйы æмæ Мæхъæлы минæвæрттæ, æдæппæтæй 40 адæймагæй фылдæр. Сæ арæхстдзинад æвдыстой цалдæр кары категорийы. Уæлахиздзауты æмæ призерты схорзæхджын кодтой кубоктæй, майдантæй æмæ æхцæйы призтæй. Турнир аразджытæ куыд загътой, афтæмæй ахæм хуызы архайынц скъоладзауты интеллектуалон райрæзтыл, фидардæр кæны регионты хсæн хæлардзинад, стæй нæ зындгонд æмзæххоны ном дæр рох нæу.