Уый у дунейы рагондæр организацитæй иу
Машинæтыл трансконтиненталон дугъы программæ æххæст кæнгæйæ, Цæгат Ирыстонмæ ссыдысты Сингапуры автомобилон ассоциацийы минæвæрттæ. Уый у дунейы рагондæр организацитæй иу. Йæ хыгъды сты 80 мин автомоболистæй фылдæр. Организацийы минæвæрттæ нæ республикæйы уыдысты фыццаг хатт. Уæллаг Ларсæй 20 архайæгæй фылдæр райдыдтой сæ балц Уæрæсемæ. Раздæр уал туристтæ бабæрæг кодтой Турк, Сомих æмæ Гуырдзы. Традицимæ гæсгæ уазджытыл Цæгат Ирыстоны сæмбæлдысты национ хойрæгтимæ æмæ Хуыцаумæ скуывдæй. Балцы программæмæ гæсгæ уазджытæн уыдысты экскурситæ Ирыстоны рæсугъддæр бынæттæм. Сингапуры автомобилисттæ бабæрæг кодтой Хъæрмæдон, Дæргъæвс æмæ Фыййагдон. Стæй ма иу ахсджиаг хъусынгæнинаг. Мадзал арæзт æрцыд, 67 боны чи цæуы, машинæтыл ахæм егъау æппæтадæмон дугъы фæлгæты.
