Зондамонджыты *хсæн — фæллойы æмæ социалон рæзты министр, Уæресейы хъæбатыр Абайты Юрий æмæ фæсивæды хъуыддæгты комитеты сæрдар Джусойты Руслан
Тактикон медицинæ, хæцæнгарз сæмбырд кæнын æмæ райхалын, æнæпилотон тæхæг аппараттæн разамынд дæттын. Сывæллæтты центр «Тæмискъ»-ы æфсæддон-патриотон проект «Щит Отечества»-йы фæлгæты дыккаг аз цæуынц ахуыртæ. Зондамонджыты *хсæн — фæллойы æмæ социалон рæзты министр, Уæресейы хъæбатыр Абайты Юрий æмæ фæсивæды хъуыддæгты комитеты сæрдар Джусойты Руслан. Куыд цæуынц цымыдисаг фæлтæры бонтæ, уый тыххæй бæстондæр радзурдзæн Чехойты Фатимæ.
Жгут раст бабæттын, туг бауромын, адæймаджы аирвæзын кæнын. Тактикон медицинæ сахуыр кæнын — егъау æфсæддон-патриотон проект «Щит Отечества»-йы сæйраг къабæзтæй иу. Ацы хатт архайынæн фæзæн равзæрстой сывæллæтты реабилитацион центр «Тæмискъ». Программæйы — 5 тематикон хайы. Къуырийы дæргъы сывæллæттæ ахуыр кæнынц — æнæпилотон тæхæг аппараттæн разамынд дæттын, хæцæнгарз æмбырд кæнын æмæ халын, æхсын, стæй хæстон тактикон элементтæ. Архайынц дзы 250 сывæллонмæ хæстæг. Уыдонæй иу — Мæхъиты Артур.
Проект царды уагъд цæуы 2-аг аз. Саразы йæ змæлд «Ног фæлтæр» «Фыццæгты змæлд»-ы грантон æххуыссы руаджы. Зондамонджыты *хсæн — Уæрæсейы хъайтар Абайты Юрий æмæ фæсивæды хъуыддæгты комитеты сæрдар Джусойты Руслан. Ацы аз программæмæ бахастой ивддзинæдтæ. Æнæпилотон тæхæг аппараттимæ куыст у ногдзинад. Тактикон медицинæйæ ахуыртæ та саразы фæлтæрдджын дохтыр-травматолог. Бакуыстой хæрзиуджытæ дæттыны уагыл дæр.
Æфсæддон-патриотон программæйæ уæлдай саразынц ирон хæдзары уагæвæрдимæ баст традицион мадзæлттæ. Ацы хатт сывæллæттæ хъомылгæнджытимæ аргæвстой нывонд фыс, скодтой национ хæринæгтæ. Сывæллæттæ равдыстой сæ вокалон æмæ хореографион зонындзинæдтæ. Æнæхъæн бон куыстой сфæлдыстадон æрмадзтæ дæр.
Проект «Щит Отечества»-йæн йæ куыст ууыл нæ ахицæн. Рады — республикæйы иннæ лагертæ. Ахуыры азы райдиан та куыст цæудзæн скъолаты. Проект саразджыты фæндмæ гæсгæ, йæ архайджытæ хъуамæ суой 9 мин сывæллоны.
