Бæстон доклад дзы скодта æнæниздзинадхъахъхъæнынады министр Митциты Астан. Куыд фехъусын кодтой, афтæмæй Цæгат Ирыстоны национ проекттæ æххæст кæныныл дихгонд цæуы 960 милуан сомы
Хицауады сæрдар Дзанайты Барисы разамындæй арæзт æрцыд сæрмагонд æмбырд, æмæ дзы ныхас цыд æнæниздзинадхъахъхъæнады рæзты паддзахадон программæйы æмæ профилон федералон проектты мадзæлттыл. Бæстон доклад дзы скодта æнæниздзинадхъахъхъæнынады министр Митциты Астан. Куыд фехъусын кодтой, афтæмæй Цæгат Ирыстоны национ проекттæ æххæст кæныныл дихгонд цæуы 960 милуан сомы. Уæлдай æргом аздæхтой егъау проект царды уадзыныл. Хауы æнæниздзинадхъахъхъæнынады фыццаг къабазы модернизацимæ. Уымæ гæсгæ сног кæндзысты медицинон организациты материалон-техникон бындур. Афтæ Дыгуры æмæ Горæтгæрон районты центрон рынчындæттæн самал кæндзысты нымæцон рентген аппараттæ. æрæфы центрон рынчындон æмæ 4-æм поликлиникæ та райсдзысты флюорографтæ. Дарддæр ма республикæйы медицинон куыстуæттæн балхæндзысты 11 машинæйы. Хæзныдоны æмæ Заводскойы поселочы бындуронæй сцалцæг кæндзысты бынæттон амбулаторитæ, стæй 4-æм поликлиникæйы сылгоймæгты консультаци.
