филиал вгтрк государственная телерадиовещательная компания “Алания”

Ацы азы кæрон республикæйы фæнд кæнынц райдайын Хъæрмæдонæй Дæргъæвсмæ фæндаг реконструкци кæнын. Ныртæккæ специалисттæ куыстытæ æххæст кæнынц Уæллаг Фыййагдонæй Дæргъæвсмæ фæндаджы хайыл. Йæ дæргъ у 15 километры. Уый тыххæй фехъусын кодта Цæгат Ирыстоны сæргълæууæг Сергей Меняйло. Йæ ныхæстæм гæсгæ, ацы фæндаг у æппæтæй парахатдæр туристон маршруттæй иу. Кусджытæ сараздзысты 4 хиды, хъахъхъæнæн фæрæзтæ æмæ сæвæрдзысты ног асфальт. Национ проект «Цардæн инфраструктурæ»-мæ гæсгæ Цæгат Ирыстоны ныридæгæн арæзт, реконструкцигонд æмæ цалцæггонд æрцыд, туристтон объекттæм чи цæуы, уыцы регионалон æмæ муниципалитетты хсæн фæндæгты 140 километрæй фылдæр.