Ахуырадон проект ныр 3-аг хатт иу фæзы сæмбырд кодта Мæскуыйы æмæ Ирыстоны уæлдæр ахуыргæнæндæтты студенты
Цæгат Ирыстоны паддзахадон университеты йæ куыст фæци Мæскуыйы æппæтадæмон ахастдзинæдты паддзахадон институты сæрдыгон скъола. Ахуырадон проект ныр 3-аг хатт иу фæзы сæмбырд кодта Мæскуыйы æмæ Ирыстоны уæлдæр ахуыргæнæндæтты студенты. Культурон-ахуырадон программæйы фæлгæты фæсивæд байхъуыстой лекцитæм, архайдтой этноквесты, ирон кæфтытæй дæсныйадæвдисæг ахуырты, экскурситы рæстæг базонгæ сты Дзæуджыхъæуы историон хаимæ. Уымæй уæлдай проекты архайджытæ бабæрæг кодтой мемориалон комплекстæ «Беслæны 1-æм скъола æмæ «Барбашовы фæз». Сæрдыгон ахуырадон скъола фæци ирон æвзаджы интерактивон урокæй. Проект æххæстгонд цæуы республикæйы æмæ бæстæйы раззагдæр ахуыргæнæндæттæй иуимæ бирæазон æмгуыстаты фæрцы. Бафыстой йæ Санкт-Петербурджы æппæтадæмон экономикон форумы фæлгæты 2023-æм азы.
